HAUS OF BEATS 180

HAUS OF BEATS #180 Aste hontako promoetan… / This week promos… Tecture, Seb Wildblood; D. Strange, Derek Carr, Ponty Mython, Cosmic Monkey, Fear-E eta Connor Byrne-ren hurrengo lanak… …eta askoz gehiago. / …and many more.   Tracklist: Tecture – Questionable Ethics (TILT) out 8 nov Seb Wildblood – Bahn (Ciel’s Eastern Promises Dub) (All My […]

Santa Zezilia ospakizuna Bergarako Musika Eskolan

Azaroaren 21an, osteguna, Sta. Zezilia eguna ospatuko dugu Musika eskolako Ikasle, irakasle eta gurasuok.

 

Arratsaldeko 17:30etan, Musika Eskolan hasita, gazte bandak eta ikasleak, San Martin plazaraino kalejira egingo dute.

Ordu berean, Trikitilariak San Martin Plazatik irten da, herriko kaleak animatuko dituzte.

Ondoren plazan elkartuta, 18:00ak aldean, ekitaldi txiki bat egingo dugu musikari eta dantzariak. Aurten Kepa Junkerari

keinu bat egingo diogu.

Bukatzeko, gerturatutako guztientzat txokolatea banatuko da.

“Erradikalak ginen” antzezlana

kartelak erradikalak ginen

Jardun euskara elkarteak “Erradikalak ginen, gara eta izango gara” antzezlana antolatu du hurrengo azaroak 16rako. Hau, Seminarixoan izango da, arratsaldeko 19:00etan, eta 4€ko sarrera izango du.

‘Erradikalak ginen, gara eta izango gara’. Ane Labaka bertsolariak eta Beatriz Egizabal antzerkilari eta ipuin kontalariak ‘Neska gazte promesa’ etiketaz, zahartzeaz, gorputzaren aldaketez, sexualitateaz, merkatu patriarkalaz, intersekzionalitateaz, beldurraz, biolentziaz eta zeharkatzen
gaituzten beste hainbat gaiez kantatu eta kontatu nahi dute. Feminismoa zeharlerrotzat hartuta eta umorez. Umorez, beraz, serio.

 

kartelak erradikalak ginen

 

Arimen gaua, Bergarako Ludotekak

10

Pasa dan aste amaieran Oxirondo, Angiozar eta Osintxuko haur, hezitzaile eta gurasoek, Arimen Gaua ospatu zuten. Aste guztian zehar honen inguruko lanketa, eskulan….egin ostean, eguna heldu zen!Arratsalde polita izan zuten.

 

8 9 10 IMG_7363 IMG_7395 IMG_7415

XLII. EUSKAL HERRIKO DANTZA SOLTE TXAPELKETA, BIKOTE GAZTEENTZAT

Bergarako Musika Eskolak , Bergarako Udalaren laguntzaz, bikote gazteentzat Euskal Herriko Dantza Solte Txapelketa antolatuko du 2019ko azaroaren 17an, igandez.

OINARRIAK

 1. 16 urtetik beherako bikote guztiek parte hartu ahal izango dute lehiaketan.

 2. Izena ematea: Txapelketan parte hartzea nahi duten bikoteek dsueltoa@gmail.com helbidearen bidez azaroaren 7a baino lehen eman behar dute izena (Izen-abizenak, telefonoa, herria, adina eta jantzien deskribapena).

3. Lehiaketa egunean Euskal Herriko jantziekin behar bezala apainduta azaldu beharko dira dantzariak, gutxienez lehiaketa hasi baino ordubete lehenago, eta Nortasun Agiriaren edo Familia Liburuaren fotokopia aurkeztu beharko dute.

4. Gipuzkoako E.D.B.k (Euskal Dantzari Biltzarrak) izendatutako lau kidek osatuko dute epaimahaia.

5. Dantzarako ordenaren zozketa azaroaren 8an, eguerdiko 13:00etan, Gipuzkoako E.D.B.ko egoitzan burutuko da.

6. Lehiaketa eguerdiko 12:00etan hasiko da, Bergarako Seminarixoan.

7. Bikoteek FANDANGOA txistularien laguntzaz eta ARIN-ARINA trikitilarien laguntzaz dantzatuko dituzte.

8. Sariak:

Ondorengo sariak emango dira:

1. Saria. Udalak emandako garaikurra, txapela, zapia eta 180 €.

2. Saria. Garaikurra eta 160 €.

3. Saria. Garaikurra eta 150 €.

4. Saria. Garaikurra eta 140 €.

5. Saria. Garaikurra eta 130 €.

Dantzatu duten beste bikote guztiek 100 €ko dieta jasoko dute.

Garaikur bereziak ere izango dira:

o Jantzi egokienarentzat

o 12 urte arteko ongien sailkatutako bikotearentzat

7. Erabakia. Epaimahaiaren erabakia aldaezina izango da.