MokolokoM

• Jeltzaleak kezkatuta daude eta Boluko bizilagunen segurtasunerako 2019an, aurreko legealdian, idatzitako proiektua lehenbailehen eguneratu eta gauzatzea eskatzen du

• Hirugarren urtea da jeltzaleek Boluko malda egonkortzeko proiektua gauzatzeko partida bat sartzea eta exekutatzea eskatzen dutela, eta horrela onartu du EH BILDUren gobernuak “baina oraindik ez da ezer egin eta presazko lana da”

2017ko urtarrilean Bolun lur jausiak hainbat kalte eragin zituen zeinbait bizilagunen etxeetan. Une hartan, bizilagunek beraien etxeak utzi behar izan zituzten, hainbat kalte jaso zituzten eta. Besteak beste maldan sare metaliko bat eraiki zen lur jausia eman zen tokian. Ordutik, geologoek maldaren azterketa zorrotza egiten jarraitzen dute. Baina, abenduak 10ean, 20 euri egun jarraiaren ondoren,  trenbidean jarritako sare metalikoaren baino ezkerrerago lur jausia izan da. “Maldak bigarren abisua eman digu, proiektua eginda dago, lehenbailehen eguneratu eta gauzatu beharra dago”.  Izan ere, 2019an, aurreko legealdian, idatzi zuen Sestra enpresak egonkortzeko lanen proiektua, “baina egungo egoerara moldatu, eguneratu eta exekutatzea falta da, baina noiz egingo da?”.

Abenduan osatu zen krisi mahaian arriskurik ez dagoela eta jarraipena egingo dela aipatu zen, baina  Bergarako EAJ PNV Udal taldeak hiru urte daramatza aurrekontuetarako proposamenen artean 2019an garatu zen proiektuaren exekuziorako partida zehaztea eskatzen, eta “azkenean, 2022rako onartutako aurrekontuetan proiektuaren exekuzioa egiteko konpromisua onartu zuen EH BILDUk, proiektua errebisatu, eguneratu eta exekutatu beharra dago, guk idatzita utzi genuen 2019” . Baina EH BILDUren gobernuak ez du Boluko maldaren egonkortzea bere lehentasunen artean “urtarrila amaitu da eta ez da proiektuaren eguneraketarik egin, ezta lizitaziorik ere bere exekuzioarako” Galarraga. “Zubitxako proiektua ere idatzita utzi genuen aurreko legealdian eta ia 3 urte pasatu behar izan dira obrak hasteko, espero dugu Boluko maldaren egonkortzea berehala hastea; izan ere, auzokoen segurtasuna eta lasaitasuna bermatzea beharrezkoa baita”.

Horregatik guztiagatik, jeltzaleek Boluko maldaren exekuzioa lehenbailen egitea eskatzen du, herritarren segurtasuna behingoz bermatzeko. Aurrekontuenta hartu den konpromisua betetzea eskatzen dute, eta 2019an Sestra enpresak egin zuen proiektua bere osotasunean exejutatzea eskatzen du. “Denbora aurrera doa eta malda egonkortu beharra dago, bizilagunen segurtasuna bermatzeko”.  

Irune Galarraga

EAJ PNVko Udal taldeko bozeramailea

Bergaran, 2022ko otsailak 1ean