MokolokoM

– Begarako EAJren ustez, mugikortasun plana berandu iritsi da, eta bertan azaltzen diren datuak ez datoz bat egungoekin; “izan ere, 2017 eta 2018ko datuetan oinarritzen da zati handi batean, 5 urte pasatu dira. Ez dira egungo datuak”

– Dokumentu hau irizpide politikoekin aurreikusitako esku-hartzeen inguruko gogoeta da, eta ez erabaki politikoak hartzeko oinarriak jasotzen dituen dokumentu teknikoa

Dagoeneko 3 urte daramatza EH BILDUk gobernuan eta oraindik ez du garatu bere osotasunean mugikortasun plana. Bergarako EAJk 2019tik Mugikortasun planaren zain dago; izan ere, orduan, 2020 aurrekontuen lanketan, aparkalekuen beharra mahai gaineratu genuen, baina “zain egoteko eskatu zigute eta orain, 2 urte beranduago, eta legealdia amaitzear, planaren zirriborroarekin gaude, inongo irizpide- ekintza zehatzik gabe. Legealdi oso bat galdu dugu” aipatu dute jeltzaleek.

Mugikortasun planaren zirriborroak 17.908 euroko aurrekontua izan du. 5 ardatz zehazten ditu: oinezkoen mugikortasuna, trafikoa, garraio publikoa bizikleta eta aparkalekuak

Oinezkoen mugikortasunaren inguruan, hainbat konturen artean, Zubiaurre eta Martokuan dauden zailtasun eta eragozpenak aipatzen ditu planak. Bergarako EAJk 2020ko aurrekontuetarako proposatu zuen bi auzo hauen eraberritzearen proiektuaren idazketarekin hastea, tamalez, oraindik ez da hasi, “eta, planak arrazoia eman digu”.

Jeltzaleen esanetan, bidegorrien atalean ere hainbat hutsune daude. “Hiru urte daramatzagu eskatuz, herriko bidegorrien sarea amaitzea, baina oraindik pendiente jarraitzen du autobus geltokitik San Antoniorako zatia eta gainera, planak ez du zehazten” . Jeltzaleen ustez, beharrezko proiektua da herriko bidegorrien sarea amaitzea. Gainera, jakin badakigu, Antzuola -Bergara lotunea datozen urteetan egingo dela, beraz, ezinbestekoa da herriako sarea amaitzea.

Trafikoaren inguruan, planak 2018ko datuetan oinarritzen da. Jeltzaleen ustez egungo datuekin egin beharko litzateke azterketa, errealitatea egunez egun aldatzen baita. Ikerketaren arabera 2017tik 2019ra bitartean aparkaleku libreak % 10 izatetik % 3 izatera pasatzen dira, auto kopurua berriz ez da jeisten, beraz horrek esan nahi du, ez dagoela aparkaleku nahikoa eta ondorioz, kotxeak herrian bueltaka dabiltzala aparkaleku bila.

Aparkalekuen inguruan, hainbat proposamen egiten ditu planak; Oxirondoko plazatxoa parkinerako erabiltzea edota ordainpeko TAO  ezartzea. Planaren proposamena “azpiegitura berriak sortu baino, kaleko aparkalekuen kudeaketa eragikorra egitea proposatzen du, aparkaleku sistema ordainpekoa izatea, alegia”, besteak beste.

Urteak daramatzagu lurazpiko aparkalekuaren beharra azpimarratzen eta, herritarrek arlo honetan ere zeresana dutela ere argi dugu. Izan ere, 2022ko aurrekontuetarako herri galdeketa egitea proposatu genion gobernuari “herritarrak erabaki dezatela aparkalekuaren beharra dagoen bai ala ez partaidetza prozesu demokratikoaren bidez”. Baina, BILDUren gobernuak ezezkoa eman zigun, planaren aitzakia hartuta. “Dagoeneko plana eskuartean daukagu, orain ekintzetara pasatzeko ordua da”. Jeltzaleek EH BILDUren gobernuari ondorengo galdera luzatu nahi die: zer egingo du Alkateak aparlekuen gaia konpontzeko? Aparlakekua? Ordainpeko TAO ezarri? “planetatik akzioetara pasatzeko ordua da, legealdia amaitzear dago eta planak besterik ez ditugu eskuartean, ez dago erabakirik ezta ekintzarik definituta, ez gai honetan, ezta ganontzekoetan ere”, azpimarratu dute jeltzaleek.

Argazkia: GOIENA

Maite Agirre

EAJ PNVko Udal taldeko bozeramailea

Bergaran, 2022ko maiatzaren 4an