Angiozarko ludotekan primeran

untitled

Angiozarko ludotekan ere ekintza ezberdin ugari egin dituzte azaroan zehar. Sukaldaritza tailerrak, Euskaraldiarekin lotutako hainbat ekintza eta tratu onaren eguna ere ospatu dituzte besteak beste.

Ikusi argazkiak!

3 1 untitled 6

TURTUKIÑA OFF THE RECORD #2 SUSTRAI ELEKTRIKOAK II

Musika herrikoia ekarri dugu gaurkoan ere, musika herrikoia erritmo elektrikoekin aliñatuta. Musika popularra edo abesti popularrez ari garenean komunitate eta pertsona askoren lurra zapaltzen ari gara. Ate asko zabalduko ditugu eta erritmo ezberdin askorekin dantzatzen saiatuko gara. Arrazoi zaharrak, son berriekin. Valladolid-etik, Malirarte. Munduan barna bidai bat egingo dugu, txapa irratiko txoko goxo honetan jarrita […]

Tripontzia hemen da

tripontzia

Tripontzia Urteberriko Sariaren boletoak salgai jarri dira dagoeneko. Bertatik ateratako dirua Gure Esku Dago eta Euskararen Gizarte Erakundeen Kontseilua erakundeak finantzatzeko erabiliko da. Erabakitzeko eskubidearen aldeko ekimenak eta Euskal Herrian euskararen normalizazioa bideratzeko egitasmoak antolatzen laguntzeko bideratuko da hain zuzen ere.

Jarduneko bulegoan salgai daude 5 eurotan, beraz, interesa duen oro bertatik pasa daiteke boletoa eskuratzeko.

tripontzia

 

Euskaraldia ludoteketan

ccd33686-d041-4fec-adfa-6ee5529f8f59

Bergarako ludoteketan Euskaraldia dela eta hainbat ekintza ezberdin burutzen dabiltza egun hauen zehar. Ahobizi eta belarriprest maskotak egiteaz gain photocall politak ere osatu dituzte esaterako. Osintxuko ludotekaren kasuan gainera bideo bat ere grabatu dute bertako haur, gazte eta gurasoekin.

Ikusi, ikusi!

IMG_7356 IMG_7298 ccd33686-d041-4fec-adfa-6ee5529f8f59 162b595f-1548-4e16-8198-6301c325c7d4

“Eta Iruña-Veleia, Erkoreka jauna?”, Jose Lui Erdoziaren artikulua Berrian

Iritzi-artikulu hau dator gaurko Berrian.

Eta Iruña-Veleia, Erkoreka jauna?                                                                                   2018ko azaroak 27

Ez duzu zalantzarik txikiena ere agertu Arabaren aldamenean hegoaldetik, Errioxako elkarte autonomoan, euskara bertako ondare kultural moduan aitor dezaten aipatu eremuko parlamentuko kideei aholkatzerako orduan. Eta txalotu egiten dut zure atrebentzia, are gehiago kontuan harturik ohituta gaituzula adierazpenak eta azalpenak ongi neurtuta egiten. Donemiliaga Kukulako glosak, Ojacastroko fueroa eta toponimia aipatu dituzu arrazoi moduan, errioxarrek euskara haien ondaretako onar dezaten. Eta, atzera berriz, txalotzeko modukoa iruditzen zait erakutsi duzun zaletasuna gure hizkuntzaren historiarekiko. Pisuzko arrazoiak hirurak ala hirurak eta pisuzkoak ez eze kontrastatuak edo, nolabait esateko, egiaztatuak ere bai. Euskal hizkuntzalari batek ere ez ditu zalantzan jartzen. Pirinioen hegoaldean euskaraz idatzitako hitzik zaharrenak omen Donemiliagako Kukulakoak. Hala uste genuen guztiok duela hamarren bat urte arte gutxienik. Ez da inolako eztabaidarik izan euskal hizkuntzalarien artean, egun oraindik zehatz-mehatz zer adierazten duten ez badakigu ere.

Baina duela hamar urte, Erkoreka jauna, Ajuria Eneatik Donemiliaga Kukula baino askoz ere gertuago dagoen Iruña-Veleia moduan ezaguna egin den indusketa lekuan, euskaraz idatzitako zenbait grafito agertu ziren. Faltsuak? Benetakoak? Adituak ez datoz bat. Bitartean, grafitoak aurkitu zituztenak auzipeturik eta kaleraturik. Hamar urte dagoeneko auzia erabaki gabe eta euskal instituzio guztiak beste alde batera begira. Zer garrantzia izan dezake euskararen aztarna zaharrenak hainbat mendetan aurrera daitezkeela ziurtatzeak? Eta Araban K. o. III-IV mendeetan euskara hitz egin zitekeela jakiteak?

Eusko Jaurlaritzari ez zaio orain arte ezer entzun Iruña-Veleiako aferari buruz. Errioxarren euskararekiko atxikipenak (souvenir kultural moduan baliatzeko ziur aski) bai arduratzen du nonbait, baina ez bertako hizkuntza ofizialaren historia hobeki ezagutzeak. Herri honetako hizkuntza eta historiarekiko atxikipena erakutsi duzu aldameneko Errioxaren kasuan, bada eman ezazu, mesedez, urrats bat gehiago eta bidera ezazu Iruña-Veleiako grafitoen azterketa arkeometrikoak burutzearena lehenbailehen. Ez dut zalantzarik badagoela zure esku egiteko hori. Kasurik okerrenean ere, hamar urteko amesgaiztoari amaiera emateko baliagarri izanen da eta mesede galanta eginen diozu hainbeste denboran zer egin ez dakien epaileari. Euskaltzaleok, bestalde, beharrezkoa dugu.

Euskarazko liburuen truke azoka

kartela LIBURUEN TRUKE AZOKA

Badator euskarazko irakurzaletasuna bultzatzeko kanpaina. Honekin lotuta, abenduaren 3an hasi eta 16ra bitartean euskarazko liburuen truke azoka jarriko da martxan. Bertan parte hartzeko, gaur egun erabili ez eta egoera onean dauden euskarazko literatur liburuak JARDUNera ekarri beharko dira abenduaren 3tik 14ra arte. Ekarritako liburu bakoitzeko txartel bat emango da eta honekin abenduaren 16an Seminarixoan egingo den 2.eskuko azokan beste liburu bat hartzeko aukera izango da.

 

kartela LIBURUEN TRUKE AZOKA