berriak – 8 orrialdea

KORRIKAko Trivialeko Irabazleak

2022ko KORRIKARI amaiera eman genion pasa den domekan eta, modu berean, KORRIKAren inguruko tribialean parte hartzeko aukera ere amaitu zen.

Asko izan zarete parte hartzaileak eta, oinarrietan esan bezala, sari ezberdinak banatu dira galderak ongi erantzun dituzuen arteko zozketan.

Edizio honetako irabazleak honako hauek dira:

LH: Julen Baez

DBH/Batxilergoa: Ane Arrieta eta Maria Aramburuk osatutako taldea.

18 urtetik gorakoak: Mertxe Laskurain, Amalia Albeniz, Blanca Ezenarro eta Cristina Aguirrek osatutako taldea.

Eskerrik asko parte hartzaile guztiei eta zorionak irabazleei!!

Herri Urrats 2022

AEDk, Loramendik eta Jardunek autobus bateratua antolatu dugu, maiatzaren 8an, Senperen ospatuko den Herri Urratsera joateko. Autobusak Aretxabaletan, Arrasaten eta Bergaran egingo ditu geldialdiak. Txartelen prezioa 12€ izango da, 10€ bazkideentzat, eta maiatzaren 5era arte izango da hauek eskuratzeko aukera!!

HERRI HURRATS 2022

“Hitzen ahairea” kantagintzari buruzko ikastaroa

“Hitzen Ahairea” kantagintzari buruzko ikastaroa eskainiko dute Gotzon Barandiaran eta Rafa Ruedak, Bergaran.

Jardun euskara elkarteak eta Bergarako Udalak eta musiak eskolak lagunduta “Hitzen Ahairea” ikastaroa antolatu dugu. Idazleen eta musikarien arteko elkarreraginetik sortutako kantagintzari buruzko ikastaroa da.

Ikastaroa maiatzaren 10ean, asteartea, burutuko da Bergarako musika eskolako aretoan, arratsaldeko 19:00etatik 21:00etara bitartean.

Ikastaroa dohainik da.

Izena ematea Jardun euskara elkartean egingo da (Errotalde jauregian, 94376361/605712569 telefono zenbakia edo jardunkultura@topagunea.eus helbide elektronikoan).

• Zelan kantatu dute gure idazle eta musikariek Euskal Herria?

• Zein eragin (izan) dute idazle eta musikarien artean sortutako kantek euskaldunon imaginarioan?

• Zein alde dago Historia liburuetan erakusten digutenaren eta idazle eta musikarien artean sortutako kantek kontatzen dutenaren artean?

• Zein zen kantaren funtzio soziala XX. mendean? Eta gaur egun?

Galdera horiei guztiei saioan parte hartuko dugunon artean erantzuten ahaleginduko gara. Horretarako, zenbait kantari eta musika taldek kantetarako erabili dituzten testuak eta kantari eta poeten arteko harremanak aztertuko ditugu, baita zuzenean kantatuko ere.

Zatoz gure kultura hobeto ezagutu eta disfrutatzera!! KARTELA Musika eskola

Martxoko ekintzak AIDAU-n

Kaixo familia:

Martxoa ere pasa zaigu jada. Ekintza ugari egin ditugu hilabete honetan: martxoak 8 ospatu dugu, Azkabaneko ihesaldia ihes gela egin dugu, korrika pasa dela ospatzeko ekintza ugari egin ditugu, musikaren eguna ospatu dugu, ipuin kontaketak izan ditugu, sukaldaritza errezeta goxoak prestatu ditugu,…

Hemen dituzue ekintza ezberdinetako argazki batzuk!

Apirilean ikusiko dugu elkar.

1646765361120 1646765458388 1648061286056 1648464532670 1648464532826 1648464532888 1648464532924 1648464533039 1649077496940 1649077497067 1649077497251

Erramu Zapatuko zapixen salmenta

Datorren asteazkenetik aurrera Bergarako kaleetan izango gara Erramu Zapatuko zapiak saltzen. San Martin plazan edo Irala kalean aurkituko gaituzue hurrengo ordutegian:

Asteazkena-Osteguna: 18:00-20:00

Ostirala: 18:00-22:00

Zapatua: 10:00-13:00

Gerturatu eta eskuratu zurea!

ZAPIEN KARTELA KALEAN_page-0001

Udaleku Irekietarako lan poltsa

Jardun Euskara Elkarteak, udaleku irekietan lan egiteko hezitzaileen lan poltsa zabalduko du:

-Kurrikulumarekin batera, tituluak eta Sexu-izaerako Delituen Ziurtagiria (dokumentu horren bitartez sexu-izaerako delitu eza egiaztatzen da) bidali behar dira.

-Maiatzaren 28an egingo den formazio saiora etortzea derrizgorrezkoa izango da Udaleku Irekietan lan egiteko.

Bergara Oinez 2022

Martxoaren 31an abiatu dugu Bergara Oinez ekimeneko lehen irteera JARDUNEk antolatuta. Eguraldia lagun 35 pertsonek parte hartu dugu. Gaurko ibilbidean KORRIKARI keinua eginez ibilbide lasaia egin dugu Euskal musikaz animatuta.

Hurrengo irteera Apirilan 28an izango da goizeko 10etan Agorrosinetik irtenda.

Siham eta Samiha-k eramango dute Jarduneko lekukoa KORRIKAN

Korrikarako motorrak berotzen jarraitzen dugu eta datorren apirilaren 1ean Bergaratik pasatzen denez, aurten Jarduneko lekukoa eramango duten taldetxoa ere prest daukagu.

Jardun Euskara Elkarteak Bergarako Udalarekin batera familientzako aholkularitza-proiektua jarri genuen martxan ikasturte hasieran. Proiektu honetako partaide batzuk izango dira lekukoa eramango dutenak Jardunen kilometroan. Proiektuaren helburu nagusia da gurasoei baliabideak eskaintzea seme-alabei euskararekin lagundu diezaieten eta eurak ere euskara ikasten hasteko. Ikastetxe ezberdinetako gurasoek hartzen dute parte proiektuan.

Elkarrizketatxo bat ere egin diegu Siham eta Samiha-ri ekitaldi honen inguruan. Oso pozik daude baita Layane, Mariam eta Fatima alabak ere.

Erramu zapaturako zapiak salgai

276173041_10166433698715161_7125653727784859398_n

Aupa denoi!!

Jardun euskara elkarteak Erramu Zapaturako zapiak atera ditu.

Zapiak dagoeneko salgai ditugu Jardun euskara elkartearen bulegoan 3 eurotan.

Jantzi euskaraz eta segi dezagun herri hat sortzen EUSKARATIK eta EUSKARAZ!!

Pasa zaitez zurearen bila!

Lan eskaintza

Bergarako Jardun Euskara Elkarteak idazkari/administraria behar du amatasun baja betetzeko lanaldi erdiz.

Funtzio nagusiak:

-Ohiko idazkari lanak

-Diru kontuen kudeaketa

-Fakturazioa

-Zergen aitorpenak

-Diru-laguntzen eskaera eta zuriketak

-…

Eskatu eta baloratuko da:

-Euskara maila altua

-Ofimatikako ezagutza

-Kontabilitatean, fakturazioan ezagutza

-Gidabaimena eta autoa

-Esperientzia

Interesatuak aurkeztu curriculumak Jardunen (Errotalde jauregia) edo bidali jardun@topagunea.eus helbidera. Curriculumak bidaltzeko azken eguna martxoak 30.

Informazio gehiago nahi izanez gero, idatzi edo deitu 943763661 telefono zenbakira.