Urriaren 20an Nafarroa oinez 2019 ospatuko da Tuteran eta, azken urteotan bezala, debagunek bertara joateko autobusa antolatu du. Gaurtik hasi eta urriaren 17ra bitartean izango duzue zuen txartela eskuratzeko aukera, AED, Loramendi eta Jardun euskara elkarteetako bulegoetan.
Geltokiak:
-9:00 Aretxabaleta (Azbe)
-9:15 Arrasate (Garibai)
-9:30 Bergara (Autobus geltokia)
Tuteratik buelta arratsaldeko 19:00etan izango da.
Prezioa:
-Txartel arruntak 12€
-Bazkideak 10€
Dagoeneko martxan dago Kopla Barik bertso eskola. Asteazkenero, arratsaldeko 19:00etan, Kartzela Zaharrean elkartzen dira.
Animatu eta gerturatu probatzera!
Sartu gara jada urrian eta ekintzaz beteta dator!!
Urriko euskararen bozgorailua:
“Nik ez dakit Euskal Herri euskalduna lortuko dugun, baina nire burutik hasita espazioak euskaraz betetzen saiatuko naiz. Edozein kasutan ere, hori delako egin dezakeedana, egin nahi dudana eta niretzat zentzua duena” Jon Sarasua
Badira hilabete batzuk Udako postal lehiaketa martxan jarri genuela. Batzuk izan zarete oporretan gutaz oroitu eta postala bidali diguzuenak, eta guzti hauen artean hautaketa egin dugu…
Idoia Igartuak Groenlandiatik bidali diguna aukeratu dugu bereziena bezala eta, horrenbestez, Elkar megadendan erosteko 100€ko bonoa irabazi du.
Eskerrik asko parte-hartzaile guztiei eta Zorionak Idoia!
Jon Maiaren “Desde Extremadura al Bertsolarismo” hitzaldia San Joxepe elkartean
Urriaren 9an, astezkenean, 19:00etan, Jon Maiak “Desde Extremadura al Bertsolarismo” hitzaldia emango du Bergarako San Joxepe jubilatuen elkartean. Hitzaldia gazteleraz izango da eta San Joxepeko “hamabostaldi kulturalaren” barruan kokatuta dago.
Jonek Extremaduratik etorritako familia erdaldun batean hazi eta punta-puntako bertsolari izaterainoko ibilbideari buruzko bizipenak eta hausnarketak partekatuko ditu bertaratuko direnekin.
Charla “desde Extremadura al bertsolarismo” de Jon Maia
El 9 de octubre, miércoles, a las 19:00 horas, Jon Maia ofrecerá la charla “desde Extremadura al bertsolarismo” en la asociación de jubilados San Joxepe de Bergara. La charla será en castellano y se engloba dentro de la “quincena cultural” que organiza San Joxepe Jubilatuen Elkartea.
Desde Extremadura al Bertsolarismo. Es una conferencia que correrá a cargo de Jon Maia, bertsolari guipuzcoano con orígenes extremeños, que disertará de cómo un hijo de emigrantes ha podido llegar al “bertsolarismo”.
“Hitzen Ahairea” kantagintzari buruzko ikastaroa eskainiko dute Gotzon Barandiaran eta Rafa Ruedak, Bergaran.
Jardun euskara elkarteak eta Bergarako Udalak elkarlanean “Hitzen Ahairea” ikastaroa antolatu dugu. Idazleen eta musikarien arteko elkarreraginetik sortutako kantagintzari buruzko ikastaroa da.
Ikastaroa urriaren 24an, azaroaren 7an eta 28an burutuko da Zabalotegi aretoan, arratsaldeko 18:30etatik 20:30etara bitartean.
Ikastaroaren prezioa 8 € Jarduneko bazkideentzat eta 10 € gainontzekoentzat izango da.
Izena ematea Jardun euskara elkartean egingo da.
• Zelan kantatu dute gure idazle eta musikariek Euskal Herria?
• Zein eragin (izan) dute idazle eta musikarien artean sortutako kantek euskaldunon imaginarioan?
• Zein alde dago Historia liburuetan erakusten digutenaren eta idazle eta musikarien artean sortutako kantek kontatzen dutenaren artean?
• Zein zen kantaren funtzio soziala XX. mendean? Eta gaur egun?
Galdera horiei guztiei saioan parte hartuko dugunon artean erantzuten ahaleginduko gara. Horretarako, zenbait kantari eta musika taldek kantetarako erabili dituzten testuak eta kantari eta poeten arteko harremanak aztertuko ditugu, baita zuzenean kantatuko ere.
Zatoz gure kultura hobeto ezagutu eta disfrutatzera!!
Joan den ostiralean San Martin plazan elkartu ginen, Kultura Kalera programaren barruan, haur eta gurasoekin jolasteko. Eta primeran pasatu genuen!
Herriko kultura elkarte ezberdinak ezagutarazteko egiten den ekimena da Kultura Kalera. Aurten ere, Jardun Euskara Elkarteak, tartetxo bat izango du ekimen honetan. Domekan, Irailak 29an, goizeko 12:30etatik 14:00etara bitartean, gure urte osoko ekintzen berri izateko aukera ezin hobea edukiko duzue San Martin plazan jarriko dugun informazio puntuan.
Animatu zaitezte!