Auzoetako ludoteketan ere Martxoak 8aren harira ekintza ezberdinak burutu ditugu. Pista jolas, auzokideekin batera pankartak… eta baita bertako emakumeentzat ere haurrek eginiko lorak banatuko ditugu.
DO/ETA AURTEN EGINGO DITUZUENAK!
Gogoratu gaurtik, martxoaren 4tik, martxoaren 24ra bitartean Errigorako olio eta kontserbak eskatzeko aukera izango duzuela.
Eskaerak egiteko Jardun Euskara Elkarteko bulegoan eskuratuko dituzue eskuorriak, bestalde errigora.eus en online egiteko aukera ere izango duzue.
Eman bultzada euskarari!!
Kaixo familia:
Ekintza ezberdin pila gauzatu ditugu Otsailean zehar Bergarako ludotekan: ponpa erraldoiak, abilezien feria, sukaldaritza, inauteriak ospatu ditugu, musika jolasak, ludotekako izarra lehiaketa, irteerak,… hemen dituzue hainbat ekintzatako argazkiak. Gozatu!
Hemen da beste urte batez Errigora, olioa eta kontserbak eskatzeko, kanpaina. Eskaerak egiteko epea datorren ostegunean hasi, hilaren 4ean, eta martxoaren 24ra bitartean egongo da zabalik. Horretarako eskuorriak Jardun Euskara Elkarteko bulegoan eskuratu ditzakezue edo zuzenean Errigorako web orrian eskaera egiteko aukera izango duzue.
Animatu eta eman bultzada euskarari!
Kaixo familia:
Aurreko ostiralean eguakoitzak gozatzen egitasmoko hirugarren saioa gauzatu genuen LH5-6-eko Bergarako gaztetxoekin. Sukaldeprestu ekintza gauzatu eta pintxo goxo-goxoak dastatzeko aukera izan genuen.
Hurrengo saioa Martxoaren 12an gauzatuko dugu. Sukaldeprestuko bigarren saioa egingo dugu LH3-4ko gaztetxoekin. Animatu parte hartzera!
Pasa dan ostiralean Angiozarko haur eta hezitzaileek lagun ezkutuko opariak eman zizkioten elkarri.
Egun batzuk izan dituzte beraien opariak prestatzeko eta benetan sormena ederki landu dute haurrek.
Eguakoitzak gozatzen” egitasmoarekin gatoz berriz ere. Ostiral honetan, Otsailak 26, 17:30etatik 19:30etara, LH5 eta 6. mailako gaztetxoak sukaldean murgiltzeko aukera izango dute. Sukaldean, jolasaren bitartez ere gauza goxoak prestatu daitezke.
Oraindik plaza libre batzuk ditugu, beraz, animatu eta eman izena bergarakoludoteka@gmail.com helbidean!
Euskaraz eta aisialdiaz gozatzen jarraituko dugu!
