Kategoria: berriak

Oxirondoko ludotekatik parte hartze saioekin aurrera jarraitzen dugu eta oraingoan, zerbitzua erabiltzen ez duzuen herriko familiei luzatzen dizuegu gonbita.

Zerbitzuaren inguruan zuen iritzia ezinbestekoa iruditzen zaigu, sinisten dugun aisialdi eredua aurrera eramateko.

Horretarako, datorren maiatzaren 28an arratsaldeko 18:00etan Oxirondoko ludotekan egingo den saiora etortzera animatzen zaituztegu.

Parte hartze saiora etortzeko interesa izanez gero, maiatzaren 27a baino lehen bergarakoludoteka@gmail helbidera mezua bidali behar da.

Animatu!

Atzo, Oxirondo ludotekako haur eta hezitzaileek, LGTBI fobiaren aurkako Nazioarteko egunaren harira, lanketatxo bat egin zuten. Aniztasunaren aldeko lanketa ere egiten dugu gure zerbitzuetan.

Jaiak gainean ditugu eta dagoeneko iritsi zaizkigu aurtengo Bergarako Jaietako zapiak. Azkenengo urteetan bezala bi diseinu prestatu ditugu: haurrena eta helduena. Zuena eskuratzeko irrikitan zaudete??

Jarraian salmenta leku eta orduak:

Asteazkena (18:00-20:00): San Martin plazan.

Osteguna (18:00-20:00): Irala kalean

Ostirala (11:00-13:00): Irala kalean /(18:00-20:00): Irala kalean

Zapatua (10:00-13:00): Oxirondon

Pasa dan ostiralean, Oxirondoko ludotekako parte hartze prozesuaren harira, zerbitzua erabiltzen duten familiekin elkartu ginen eta prozesuari hasiera eman genion beraien iritziak jasoaz. Guztiira 9 familia gerturatu ziren eta jasotakoa oso aberasgarria izan zen.

Eskerrik asko gerturatu zineten familiei eta gogoratu, oraindik denboraz zabiltzatela galdetegia betetzeko!

https://docs.google.com/forms/d/e/1FAIpQLSfa3dtE4aPYZUFMdIzcJzud1Trw7TKDxVJaEdXrfj5XpZuGdA/viewform?usp=sf_link

Datorren astelehenean emango diogu hasiera aurtengo bigarren Euskal Trivialaren edizioari. Oraingo honetan online egingo dugu eta galdetegiak bete ahal izateko esteka astelehenean jarriko dizuegu erabilgarri.

Pasa den astean egin genuen aurtengo jaietako zapetarako irudien eta leloen aukeraketa eta dagoeneko ordua da irabazleei aurpegia ipintzen joateko. Gogoratuko duzuen bezela, nagusien zapirako irudi eta leloaren irabazlea Nagore Aranburu izan da. Haurren zapiak izango duen irudi eta lema, berriz, Oihana Tabaresena izango da. Kasualitatez, azken hau, Bergarako Udalak egiten duen jaioberrien ongi etorrian zapia jaso zuen lehen haurra izan zen.

Zorionak bikote!!

Nagore Aranburu

Oihana Tabares

Datorren ikasturtera begira eta zerbitzua hobetze aldera, Oxirondoko ludotekaren inguruko parte hartze saio bat martxan jarri du Jardun Euskara Elkarteak Bergarako Udalarekin batera.

Zerbitzuaren inguruan zuen iritzia ezinbestekoa iruditzen zaigu, sinisten dugun aisialdi eredua aurrera eramateko.

Horretarako, haur hezkuntzako 3 urtetik lehen hezkuntzako 2. maila arteko familiei behean azaltzen den galdetegia erantzutera animatzen zaituztegu maiatzaren 28a baino lehen!

https://docs.google.com/forms/d/e/1FAIpQLSfa3dtE4aPYZUFMdIzcJzud1Trw7TKDxVJaEdXrfj5XpZuGdA/viewform?usp=sf_link

Jardun Euskara Elkarteak, Bergarako uztaileko udaleku irekietan lan egiteko hezitzaileen lan poltsa zabalduko du. Udaleku irekiak ekainaren 28tik uztailaren 23ra burutuko dira. Baloratuko da:
– Begirale titulua izatea.
– EGA edo baliokidea izatea.
– Aisialdian esperientzia izatea.
Udaleku irekien aurretik egingo den formazio saiora etortzea derrigorrezkoa da. Formazio saioa printzipioz maiatzaren 29an egingo da.
Kurrikulumarekin batera, tituluak eta sexu delituen ziurtagiria bidaltzea eskertuko genuke.
Kurrikulumak bidaltzeko gaztejardun@topagunea.com era bidali maiatzaren 10etik maiatzaren 19ra bitartean.

Kaixo familia:

Apirila ere pasa da dagoeneko, ekintza ugari gauzatu genituen aurreko hilabetean zehar: kanpo jolasak egin genituen, musika jolasak, eskulanak, enpanadillak sukaldatu, txango ezberdinak…. hemen dituzue egun ezberdinetako argazki batzuk!