Gabonen ostean martxan hasiko gara aste honetan AIDAU haurren zerbitzuan.
Urtarrilerako ekintza ugari jarriko ditugu martxan. Animatu eta gerturatu zaitezte ekintzetan parte hartzera!
Urtarrileko ekintzak_AIDAU
Kategoria: berriak
Jardun Euskara Elkartea 2022-01-10 10:04:29
“Hitzen Ahairea” kantagintzari buruzko ikastaroa eskainiko dute Gotzon Barandiaran eta Rafa Ruedak, Bergaran.
Jardun euskara elkarteak eta Bergarako Udalak elkarlanean “Hitzen Ahairea” ikastaroa antolatu dugu. Idazleen eta musikarien arteko elkarreraginetik sortutako kantagintzari buruzko ikastaroa da.
Ikastaroa urtarrilaren 27an, otsailaren 3an eta 10ean burutuko da Zabalotegi aretoan, arratsaldeko 18:00etatik 20:00etara bitartean.
Ikastaroaren prezioa 8 € Jarduneko bazkideentzat eta 10 € gainontzekoentzat izango da.
Izena ematea Jardun euskara elkartean egingo da (Errotalde jauregian, 94376361/605712569 telefono zenbakia edo jardunkultura@topagunea.com helbide elektronikoan).
• Zelan kantatu dute gure idazle eta musikariek Euskal Herria?
• Zein eragin (izan) dute idazle eta musikarien artean sortutako kantek euskaldunon imaginarioan?
• Zein alde dago Historia liburuetan erakusten digutenaren eta idazle eta musikarien artean sortutako kantek kontatzen dutenaren artean?
• Zein zen kantaren funtzio soziala XX. mendean? Eta gaur egun?
Galdera horiei guztiei saioan parte hartuko dugunon artean erantzuten ahaleginduko gara. Horretarako, zenbait kantari eta musika taldek kantetarako erabili dituzten testuak eta kantari eta poeten arteko harremanak aztertuko ditugu, baita zuzenean kantatuko ere.
Zatoz gure kultura hobeto ezagutu eta disfrutatzera!!
Urtarrileko eusakaren bozgorailua
Urtarrileko euskararen bozgorailua:
“Euskara, beste hizkuntzak bezala, altxor unibertsal bat da, denona delako, agortzen ez den delako eta dohainekoa delako”
Joseba SarrionandiaAbenduko ekintzak AIDAUn
Kaixo familia:
Abenduan ere ekintza ugari egin ditugu Aidau-n, tartean: euskararen eguna ospatu dugu, Gabonetako sukaldaritza errezetak egin ditugu, lagun ezkutua, urte berriko festa, eskulanak,.. denetarik egiteko aukera izan dugu!!
Gaur izan da 2021-eko Aidauko azken eguna baina datorren urtean itzuliko gara indarberrituta. Ondo pasa Gabonetako oporretan eta urte berri on!!!
IRAKURKETA ERRAZA SUSTATZEKO SAIOAK
Euskaraz irakurtzearen lilura suspertzea eta testua ulertuz gozatzea dira helburuak, irakurleen artean irakurketa eta mintzamena piztuz.
Euskara ikasten ari den edo euskaraz irakurtzeko ohiturarik ez duen jendeari zuzendua dago taldea.
Taldean, euskarazko irakurgai laburrak proposatu eta solasaldia egin nahi da. Irakurgaien artean euskarazko eleberri errez bat edo euskararen inguruko artikuluak egongo dira. Honela, parte hartzaileen hiztegia aberasteaz gain elkar komunikatzeko euskara erabiliko da.
Saioak hilean behin izango dira, urtarrilean hasi eta maiatzera bitartean.
Izena emateko azken eguna: urtarrilak 14
Hitzen ahairea_Gotzon Barandiaran eta Rafa Rueda
“Hitzen Ahairea” kantagintzari buruzko ikastaroa eskainiko dute Gotzon Barandiaran eta Rafa Ruedak, Bergaran.
Jardun euskara elkarteak eta Bergarako Udalak elkarlanean “Hitzen Ahairea” ikastaroa antolatu dugu. Idazleen eta musikarien arteko elkarreraginetik sortutako kantagintzari buruzko ikastaroa da.
Ikastaroa urtarrilaren 27, otsailaren 3an eta 10ean burutuko da Zabalotegi aretoan, arratsaldeko 18:00etatik 20:00etara bitartean.
Ikastaroaren prezioa 8 € Jarduneko bazkideentzat eta 10 € gainontzekoentzat izango da.
Izena ematea Jardun euskara elkartean egingo da.
Errotalde jauregia z/g
jardunkultura@topagunea.com
943763661/605712469
Arroilen jeitsieraren inguruko diapositiba emanaldia
Atzo arratsaldean Karmelo Oñate eta Ainhoa Arizabaletak beraien “hobby”-az hitz egiteko aukera izan zuten Pol-pol mendizalde taldearen egoitzan. Ia astebururo arroilen jeitsiera praktikatzera joaten dira penintsulako zenbait lekutara, eta beraien abenturak entzun zein argazkiak ikusteko aukera izan zuten bertaratutakoek.
Eskerrik asko Karmelo, Ainhoa eta Pol-pol mendizale taldeari elkarlanagatik, eta eskerrak baita ere gerturatutako guztiei!
Teknologia berriak euskaraz
Gure egunerokotasunean hain garrantzitsuak bihurtu diren teknologia berriak euskaraz erabiltzeko kanpaina berria sortu dugu.
Gero eta gehiago dira euskaraz erabiltzeko aukera ematen diguten sistema eragile, aparatu (mugikor, tablet, ordenagailu), nabigatzaile eta aplikazioak.
Kanpaina honen bitartez, euskarari merezi duen lekua eman nahi diogu eta teknologia berrietara moldatu garen bezala, hauek ere euskaraz manejatzera egokitzea ezinbestekoa ikusten dugu. Era berean, sare sozialetan, blogetan, youtuben, etab. edukiak euskaraz sortu eta partekatzera ere animatu nahi dugu jendartea.
Hurrengo egunetan zuek ere euskaraz klik egiteko arigbideak ematen arituko gara. Euskara ahalik eta esparru gehienetara zabaltzeko!!
Gu prest gaude, ETA ZU?
Osintxuko liburutegia
Euskarazko irakurzaletasuna bultzatzeko, astelehen eta asteazkenean, Osintxuko liburutegian ipuin kontaketa eta ipuinak sortzeko tailerra izan dugu. Bertan, Osintxuko ludotekako haur eta hezitzaileak egon dira. Arratsalde politak pasa dituzte bertan!
Ipuinak sortzeko tailerra Osintxuko liburutegian
Pasa den astean esan bezala, euskarazko irakurzaletasuna bultzatzeko ekintzei lotuta, asteazkenerako “Ipuina sortzeko tailerra” antolatu da. Osintxuko liburutegian izango da, 17:30ean.
Familia guztiak ongi etorriak izango zarete!!