zibergara – MokolokoM

#Elkatilu: 2019ko elkartela onenari saria

Hirugarren urtez Elkartela proiektuko Telegrameko horma digitalian Bergarako herrigintzan afitxak ekartzen dittugu hona.

2019xai begiratuz gero, herrixak 12 hilabetetan sortutako afitxetatik 170 harrapatu dittugu. Eta aurten 250 kidien langa gainditu dogu @elkartelan.

Hemen doiaz kartel danak, aukeratu zure gustokuenak ilbeltzan (urtarrilan) 12a aurretik.

Bozkatzeko: tick egin kartelan ezkerrian dagon karratu txiki zurixan (hiru kartel aukeratu gehixenez) eta 170 eta piku kartel beherago daguen “Vote” botoia sakatu.

Note: There is a poll embedded within this post, please visit the site to participate in this post's poll.

#Elkatilu: 2018ko kartel onenari saria

Bigarren urtez Elkartela proiektuko Telegrameko horma digitalian Bergarako herrigintzan afitxak dakarguz hona.

2018xai begiratuz gero, 260 afitxetatik gora sortu dittu herrixak 12 hilabetetan (iaz baino 70 gehixau). Eta lotazillian (abenduan) 200 kidien langa gainditzeko puntuan gare @elkartelan.

Hemen doiaz kartel danak, aukeratu zure gustokuenak ilbeltzan (urtarrilan) 14a aurretik.

Bozkatzeko: tick egin kartelan ezkerrian daguen karratu txiki zurixan (hiru kartel aukeratu gehixenez) eta 200 eta piku kartel beherago daguen “Vote” botoia sakatu.

Note: There is a poll embedded within this post, please visit the site to participate in this post's poll.

Elkartela: 2017ko onena

Urte bete pasau jaku Elkartela proiektua hasi eta Telegrameko horma digitalian Bergarako herrigintzan afitxak itsasten hasi ginanetik.

2017xai begiratuz gero, 200 afitxetatik gora sortu dittu herrixak 12 hilabetetan. Lotazillian (abenduan) 100 kidien langa gaindittu ginuan @elkartelan.

Bi mugarrixak ospatzeko, herrixan sortutakua balorian jartzeko, gure ondaria zaintzeko eta kartelgile artistak omentzeko, Elkartela 2017 lehiaketa martxan jartzia erabaki dogu Zibergarako kidiok. Hemen doiaz kartel danak, aukeratu zure gustokuenak ilbeltzan (urtarrilan) 12xa aurretik.

Bozkatzeko: tick egin kartelan ezkerrian daguen karratu txiki zurixan (hiru kartel aukeratu gehixenez) eta 200 eta piku kartel beherago daguen “Vote” botoia sakatu.

Note: There is a poll embedded within this post, please visit the site to participate in this post's poll.

Zibergara, Urtarrilak 2: Gabonetako Bilera Berezia

Urtero bezala, gabonetako bilera berezia deitzen dugu ahalik eta Bergarako ziberlagun gehien elkarrekin izan gaitezen. Bilera eguna Urtarrilaren 2a izango da (Larunbata) eta goizeko 11:00an elkartuko gara Kartzela Zaharreko atean.

Bilera bat baino katxarreo egun polit bat izango da, horren ostean batera bazkaltzeko aukerarekin gainera.

Hemen egun handi honetarako agenda proposamena:

11:00-12:00: Proiektuen egoera: MokolokoM, Liburutegi Digitala, Zi-Fi idazlanak (solarpunk), Guifi.net

12:00-13:00: Txapa Web: RSS experimentazioa

13:00-14:30: Tween Peaks-eko kapitulu baten azpitituluen euskaratzea (seguraski bizkorrago)

14:30-******: Bazkaria eta larunbateko magiak erabakitzen duena

Aurrez etortzeko asmoa kontsolidatu nahi baduzu idatziguzu kontaktua@zibergara.net email helbidera etorriko zarela esaten.

Animatu eta gerturatu Bergarosferara!

Urriak 7: Zibergara + SkizopozikS

Eguneraketa: azken eraso matxistak salatzeko kontzentrazioarekin uztargarri izateko SkizopozikS emanaldia 19:37-an izango da (30 minutu beranduago). Bide batez, Bergarako plazan 19:00 egingo den kontzentraziora biltzeko gonbidapena luzatzen dugu.

Urriaren 7an, eguaztena, Zibergarak bere bigarren asanblea egingo du Bergarako kartzela zaharrean. 18:06an: Bergarako teknofilo zein sareratu nahi duten ez-teknofilo guztiak gonbidatu nahi ditugu denona den MokolokoM proiektuaren parte egitera.

Horretaz gain, edo hobe esanda, baina batez ere: euskal blogosferako pertsonai ilustre bat gonbidatu dugu. Iaz Imanol Epelde blogari raperoa gonbidatu genuen bezala, aurten Markos Gimeno Vesga palindromogile asko-fazetikoa izango dugu gurean. Markos ezaguna da, besteak beste, zerorajasoa.com webgunean argitaratutako palindromoengatik edo Puto Amoak Matematiketan musika taldeko partaide gisa. 19:37an: Bere errezitaldi hitzperimental berria aurkeztuko du SkizopozikS.

Animatu!

#ziberrekin

Berrekin ikastaro trinkoan izan ginen 2030eko ekainaren 24ean:

Gizakiak duen denboraren ikuspegi linealean etorkizuna oraindik gertatu ez diren ekintzek osatzen dute. Errepikatu egingo dut: Gizakiak duen denboraren ikuspegi linealean etorkizuna oraindik gertatu ez diren ekintzek osatzen dute.

Ze puntura arte bizi gara oraindik gertatu ez diren ekintzei begira. Bada ariketa bat, hurrengoa dioena: imaginatu ohe bat, edozein ohe, benga imaginatu. Ohearen forma eta izaren koloreak. Gehiengoak imaginazio ariketa honetan ezagutzen duen ohe bat proiektatzen du, memoria da gure etorkizuna. Memoria izan da gure etorkizuna.

Ez gara gure gurasoak bezala biziko. Gizateriaren denbora lerroa ez da behin eta berriro errepikatzen den ibilbide zirkularra. Ez da gauza bera orain 25 urte izatea edo orain dela 25 urte 25 urte izatea. Denbora, erlatibitate bereziak dioenaren aurka, bizkortzen ari da, argiaren abiadura baino bizkorrago. Espiral bat da denbora, errepikatzen denaren ilusioarekin baina gero eta bizkorrago doa. Bizkarrean horrekin bizitzen ikasi behar dugu, barraskiloak bere oskolarekin bezala, etorkizuna egunero presente, geroaren jabe.

Nola biziko gara hemendik 15 urtera? Izango ahal ditugu gaur egungo kuarentoi baten ardura berdinak? Nori hitz egingo diogu gure ardura horien inguruan? Zer egingo dugu gure ardurak, gure zalantzak argitzeko? Ze puntutaraino egongo dira marra berdinaren gainean norberaren ardurak eta batek egiten duena, egiten duen lana?

Zer izango da Bergara hemendik 15 urtera? Bada ariketa bat, hurrengoa dioena: imaginatu herri bat, edozein herri, benga imaginatu. Herriaren forma eta herritarren izaera.

Etorkizuneko elkarrizketa Hirigorrian (bai, gure etorkizuna benetan sinistu dute):

2030eko Bergara irudikatzen txioen bitartez

Goizean aipatutakoen erreferentzia bibliografikoak:

Historia de las redes (David de Ugarte)
Teknologiaren papera erakundeen eta jendartearen arteko partehartzean (Gorka Julio)
Sare banatuak, informazioa eta boterea (David de Ugarte)
Bezero eredua (Idurre Eskisabel)
Autoeratzea (Jon Sarasua, 27. orritik aurrera)
Gizartea eta herria (Eduardo Apodaka)
Aberastasun psikosoziala (Eduardo Apodaka)
Fileak (David de Ugarte)
Hiri nazionalak eta herri sareak (Turutarena)

Webgune garapen tailerra auzolanean Idazlaguna proiektua aitzaki

Otsailak 6, ostirala, 17:00ean Bergarako udaletxeko lehenengo solairuan, webgune garapen tailerra gidatuko dugu Zibergarakook.

Ideia, Idazlaguna proiektuaren webgunea auzolanean garatzea da, eta bide batez, norberak bere webgunea/bloga eta domeinu propioak era autonomo batean nola lortu azalduko dugu.

WordPress, .EUS domeinuak, Dreamhost, posta-zerrendak eta abar luze bat, guztia giro informal batean taller formatuan. Ekarri zure ordenagailua eta animatu, sarrera librea da!

Zibergarako Bilera

Urtea bukatu aurretik, Zibergarako bilera bat egingo dugu:

Noiz: Abenduak 20, arratsaldeko 19:00ean
Non: Bergarako Gaztetxeko atean (gero mugituko gara norabait)
Gaiak:

Guifi.net update eta Basic Internet
Liburutegi digitala eta zientzia fikziozko lehiaketan inguruan zer egin
Blogak eta Mokolokom
Bakoitzak dakarrena

Animatu eta etorri!

Txapa Irratia internet bidez (Raspberry I)

Irrati libre bateko partaide bazara jakingo duzu internet bidezko emisioa edo streaming-a egonkor mantentzea zaila izan daitekeela. Bergarako Txapa Irratian ordenagailu bat zuten soilik funtzio horretara deditakua, horrek zekartzan haizegailu zarata eta energia kontsumoarekin.

Horregatik, Raspberry ordenagailu txiki bat probatu dugu funtzio hori bera betetzeko. Raspberry-ak ordenagailu txikiak dira merkeak (35 euro), ixilak eta kontsumo txikikoak. Audio sarrerarik ez dutenez USB bidezko audio stick txiki bat gehitu diogu (2 euro). Txukun jartzeko kajatxo baten sartu dugu aparailua.

Streaming-aren konfigurazioa Darkice programa eta Bailbab-eko lagunek utzitako montatzeko puntu bat erabilita egin dugu ondorengo gida hau jarraituta.