Egilea: jardun

Pasa den astean amaitu zen aurtengo Pentekoste jaietako zapirako marrazki eta lema lehiaketan parte hartzeko epea. Hainbat lan jaso ditugu eta guzti hauen artean irabazleak aukeratu dira.

Azken urteotan bezala 3 sari izan ditugu, eta horrela banatu dira:

-Helduen marrazkia: Usoa Mendikute

-Haurren marrazkia: Laia Iñarra

-Esaldi onena: Enara Viaga

Zorionak hirukote!!

Osintxuko ludotekako haur eta hezitzaileak errekako uraren kalitatea aztertzen ibili ziren. Arratsalde ederra pasa zuten!

Asteburu honetan Txapliguko haur eta hezitzaileek Espejon egongo dira. Eguraldia lagun, motxila esperientzia ugariz beteta bueltatu dira.

Euskaraz irakurtzearen lilura suspertzea eta testua ulertuz gozatzea dira helburuak, irakurleen artean irakurketa eta mintzamena piztuz.

Euskara ikasten ari den edo euskaraz irakurtzeko ohiturarik ez duen jendeari zuzendua dago taldea.

3 astean behin taldean elkartu eta euskarazko irakurgai labur bat irakurriko dugu. Irakurgaien artean euskarazko eleberri zati bat edo gai ezberdinei buruzko artikuluak egongo dira. Honela, parte hartzaileen hiztegia aberasteaz gain elkar komunikatzeko euskara erabiliko da.

Izena emateko azken eguna: maiatzak 16 Osintxuko liburutegian.

Kaixo familia:

Apirilean zehar ekintza ezberdinak egin ditugu AIDAUn. Hemen dituzue argazki batzuk:

Datorren maiatzaren 24an, asteartean, arratsaldeko 18:30ean Irizar Jauregian, Garbiñe Larrea izango dugu sortu duen “Sendabelarrek dakitena” liburuaren aurkezpena egiten.

Liburuak sendabelarren munduan murgiltzeko eta landare hauen erabilerak ezagutzeko aukera zabala eskaintzen digu.

Honen inguruan gehiago jakin nahi baduzu gerturatu zaitez liburuaren arukezpenera!

Aurtengo Pentekoste jaietarako hilebete pasa baino falta ez den honetan bagatoz, beste urte batez, zapi eta lema lehiaketarekin!!

Gaurtik maiatzaren 18ra bitartean izango duzue zuen proposamena bidaltzeko aukera. Beti bezala, Jardun Euskara Elkarteko bulegora bidalita zein jardun@topagunea.eus-era idatzita aurkeztu ahal izango dituzue zuen diseinuak.

Oinarriak:

– Bi lehiaketa egongo dira: alde batetik, marrazkia lemarekin eta bestetik lema soilik.

– Edonork parte har dezake eta nahi beste marrazki edota lema aurkeztu ditzake.

– Marrazkietan bi kategoria egongo dira: haurrena (12 urtetik behera) eta helduena (12 urtetik gora). Lema berriz, jasotako guztietatik bakarra aukeratuko da.

– Marrazkiak, zuri-beltzean, A4 formatuan aurkeztu behar dira.

– Marrazkiaren gaia: jaiekin lotutakoa.

– Marrazkiarekin batera euskararen aldeko lema labur bat jarri behar da. Baina lema bakarrik aurkezteko aukera ere badago.

– Ez da onartzen inolako irudi sexistarik edota estereotipo sexistekin zerikusirik duen mezu, irudi edo bestelako elementurik.

– Lanean ez da egilearen daturik jarriko. Egilearen datuak (izen abizenak, adina, telefonoa eta helbidea) kartazal itxi batean sartuko dira eta kartazal hau eta marrazkia/lema, beste kartazal handiago batean sartuko dira. E-mailez bidaliz gero, bi fitxategitan bereiztu: alde batetik marrazkia eta bestetik egilearen datuak.

– Lanak aurkezteko azken eguna: maiatzak 18 (asteazkena)

– Lanak JARDUNeko bulegoan aurkeztu (Errotalde jauregia z/g – Udal liburutegia) edo jardun@topagunea.eus helbidera bidali beharko dira.

– Sariak: Helduen marrazkia:100€

Haurren marrazkia: 60€

Esaldi onena: 40€

– Saria eman gabe gera daiteke, epaimahaikoek horrela erabakitzen badute.

Aurreko urteko irabazleak: