AIDAu haurren zerbitzuko hezitzaile taldea lanean ari da ikasturtea prestatzen… laster informazio gehiago!
AIDAU_Ikasturte berriaren prestaketa
Egilea: jardun
Osintxu eta Angiozarreko ludoteken irekiera
Osintxu eta Angiozarreko ludotekak ateak zabalduko dituzte gaur, irailak 8.
Beste ikasturte batez, gogotsu gaude haur eta gaztetxoei aisialdi euskaldunaz gozatzeko aukerak emanez.
Iraileko Euskararen Bozgorailua
Iraileko Euskararen Bozgorailua:
“Bidean huts egitea ez da porrota, helburua hurbiltzen gaituen lehen pausoa baino”
Karmelo Ayesta
Mintzapraktika_Probatu ez duenak ez daki zer den hau!
Zurekin euskaraz egin nahi dugu!
Asko dira euskaraz aritu nahi eta aukerarik ez dutenak inguruan horretarako lagunik ez dutelako. Zenbaitek, euskaltegian ikasitakoa praktikan jartzeko aukerarik ez dute eta guztiek Mintzapraktikan aurkitzen dute euskaraz lagun artean aritzeko aukera. Bestalde, euskaltzale asko dago bere herrian euskaraz aritzeko espazioak eta aukerak zabaltzen lagundu nahi duena.
Eta Mintzapraktikan parte hartuz eragiten dute horretan.
Askori gertatzen zaie euskaltegian ikasitakoa praktikan jartzeko aukerarik ez dutela izaten eta Mintzapraktikan aurkitzen dute euskaraz lagun artean aritzeko aukera. Zenbaitek, berriz, euskaraz aritu nahi baina ez dute inguruan izaten lagunik. Bestalde, euskaltzale asko dago bere herrian euskaraz aritzeko espazioak eta aukerak zabaltzen lagundu nahi duena. Eta Mintzapraktikan parte hartuz eragiten dute horretan. Mintzapraktikan pertsonen arteko harreman berriak sortu eta indartzen dira euskaraz. Eta ez hori bakarrik, pertsona horiek guztiek sekulako ekarpena egiten diote euskalduntzeari: taldean elkarrekin aritzen dira eta ohitura hori inguruko jendearengana zabaltzen dute, hizkuntza ohituretan eraginez. Asko dira Mintzapraktikan hasi eta gaur egun beraien lagunekin, familiakoekin, lankideekin euskaraz aritzen direnak. Euskaldun izateaz harro sentitzen direnak. Horrela ari dira irabazten, herriz-herri, euskaraz aritzeko espazioak eta aukerak.
Gaur egun 7.000 herritarrek baino gehiagok parte hartzen dute Mintzapraktika egitasmoetan; astean behin elkartzen dira talde txikitan euskaraz aritzeko: bidelariak (euskaraz ikasten ari direnak edo ohitura berreskuratu nahi dutenak hizkuntza praktikatuz) eta bidelagunak (euskara aise erabiltzen dutenak eta ikasten ari direnei euskaraz praktikatzen laguntzeko borondatez izena ematen duten euskaltzaleak).
Mintzapraktika ongi pasatuz euskara praktikatzeko ezagutzen duten aukerarik onena dela diote parte hartzaileek. Laguntasuna eta babesa transmititzen dituen jendez inguratuta, Mintzapraktikan euskaraz hitz egiteko konfiantza eskuratzen delako. Satisfakzio handia ematen)du horrek. Baina beste sentsazio positibo pila bat ere ekartzen omen ditu Mintzapraktikan aritzeak. Probatu ez duenak ez daki zer den hau!
Hauxe da Mintzapraktikaren mundua. Ireki atea eta praktikatu gurekin, talde giro hurbilean. Zurekin euskaraz egin nahi dugu!
Irailean zabalduko da Mintzapraktikan izena emateko kanpaina, egitasmoei buruzko hainbat informazio interesgarri www.mintzalaguna.eus webgunean dago eskura.
Udaleku Irekiak 2022_LipDub
Uztailaren 22an udalekuei amaiera emateko herriko kaleetan haur eta hezitzaileek lip-dub bat egin zuten.
Hemen guztion artean egindakoaren emaitza!
Udaleku irekiak 2022_4.astea
2022ko udalekuak amaitutzat eman ditugu gaurko Lip-Dub-a eta herriko plazan egindakoarekin.
Aisialdi euskaldunaz gozatzeko egun politak izan ditugu eta horrela jarraitzeko asmoarekin bueltatuko gara oporren ostean!
Batzar orokorra
Gaur, ekainak 21, osteguna, arratsaldeko 18:30ean Jardunen urteko batzar orokorra ospatuko da Irizar jauregiko 3.solairuan.
Gai zerrenda:
-Aurreko urteko aktaren onarpena
-2021eko jarduera eta balantzea
-2022ko asmoak eta aurrekontuak
-Bestelakoak…
Udaleku irekiak 2022_3.astes
Udaleku irekien 3. asteari ere amaiera eman diogu.
Haur batzuk, udaleku irekien amaiera izan dute gaurko egunean eta amaitzeko Txan Magoaren ikuskizuna izan dugu.
Beroari aurre eginez, aste bikaina izan da!
Udaleku irekiak 2022_2.astea
Gozamena eta poztasuna adierazten duten uneak Udaleku Irekietako argazki hauek.
Haur eta hezitzaileek ekintza ugari egin dituzte aste honetan ere. Aisialdi euskaldunaz gozatzeko une politak!
Udaleku irekiak 2022_1.astea
Udaleku irekien lehen astearekin amaitu dugu. Hasierako urduritasunak hurrengo egunetako gozamenera eraman gaitu.
Primerako astea!
