Egilea: jardun

Azken asteotan tailer eta ekintza ugari egiten ari gara Gau Beltzaren ospakizunaren inguruan. Aurreko astean eginiko tailerrak (kalabaza hustu, mozorro eta aurpegi margoketak, etab..) erantzun bikaina izan dute bergarako herritarren artean.

Gau Beltza edo Arimen Gaua gerturatzen ari zaigu eta egitaraua ere aurrera doa. Datorren ostiralean, urriak 29, arratsaldeko 17:30ean eta larunbatean, urriak 30, goizeko 11:00etan San Martin plazan elkartuko gara tailerrekin jarraitzeko.

Bestalde larunbatean, ordu eta leku berean, Ndank Ndank elkartearen eskutik “Bissap” edari freskagarria dastatzeko aukera ere izango da. Beranduago, 11:3oetik aurrera “Mintzapoza Tonbola” martxan jarriko dugu berriro, opari ugari ditugu banatzeko!

Animatu eta gerturatu zaitezte!

Urte eta erdian irteerarik egin gabe egon ostean, atzo, igandea, eskualdeko berbalagunak, Trespuentes herrian (Araba) kokatzen den Santa Katalina Lorategi botanikoa ezagutzera joan ginen. Guztira 25 lagun animatu ginen altxor eder hau ezagutzera.

Amaia Lorategiko botanikoko langilearen eskutik, lorategiaren ezaugarriak, historia eta landareen inguruko azalpenak jaso genituen.

Eguraldia lagun izanik goiz ederra pasa zuten Araba aldean.

Pasa dan ostiral eta zapatuan, San Martin plazan egon ginen Gau Beltzaren ospakizunera begirako tailerrak egiten. Kalabazak hustu,aurpegi margoketa, mozorro tailerra…familia ugari gerturatu ziren eta tarte polita pasa genuen bertan.

Eskerrik asko gerturatu zineten guztioi!datorren ostiral eta zapatuan bertan egongo gara berriz ere!

Gogoratu! Datorren zapatu arratsaldean mozorrotu, margotu eta ekarri zuen kalabazak!

Gau Beltzaren bueltan egiten gauden ekintzak martxa onean doaz. Atzo, AIDAU haurren zerbitzuan egindako Misterio jolasean parte hartu zuten haur eta gaztetxoak primeran aritu ziren.

Gau Beltzean girotutako tailerrak egingo ditugu. Horretarako zuen kalabazak, izara zaharrak…ekarri eta gurekin batera prestatuko duzue urriaren 30ean ospatuko dugun GAU BELTZA eguna!

Atzo esan bezala, hemen duzue, Gau Beltzarako prestatu dugun egitasmoko lehen ekintza: “Arimen kandela” misterio jolasa.

Urriak 20an izango da, datorren asteazkenean. LH 3, 4, 5 eta 6. mailakoentzat zuzendutako ekintza da eta bi txanda egongo dira.

1.Txanda: 17:15

2.Txanda: 18:30

Ekintzetan izena emateko gerturatu zaitezte Oxirondo azokako azken solairura urriaren 19a baino lehen.

Jardun euskara elkarteak sustatuta, Gau Beltzaren antolaketan parte hartu dute Udalarekin batera eragile hauek: Bedelkar, AIDAU haurren zerbitzua, Bergara Herri Hezitzailea, Txapa irratia, Musika Eskola, San Joxepe Elkartea, Ugutz Tours, gaubeltza.eus eta Ndank Ndank.

Bihar emango dizuegu, zehatzago, Gau Beltzerako antolatu dugun egitaraueko lehen ekintzaren berri!!

“Xanguli Manduli

Kikirrikiii

Emon goxokiak guri…” 

Dakizuen bezela, AIDAU haurren zerbitzua martxan jarri genuen irailaren amaieran eta jadanik haurrak gerturatzen ari dira bertan eskeintzen ditugun ekintza ezberdinetan parte hartzera eta beraien iritziak eman eta beraiekin ekintza ezberdinak egiteko eta sortzeko.

Guztiok aisialdi euskaldunaz gozatzen jarraitzeko asmoarekin lanean jarraituko dugu!