damian – 2 orrialdea

NFC: Zer eta zela?

NFC (Near Field Communication) gertuko (ia kontaktuzkoa: 20cm baino gutxiago) komunikaziorako teknologia bat da. NFC etiketa normalak 0,1KB-0,5KB (96 eta 512 byte) artean gordetzeko gai dira eta 13KB/s eta 106KB/s tarteetako abiaduratan mugitzen du informazioa (honek esan nahi du etiketa normal bat segundu bat baino askoz azkarrago bete/idatzi, irakurri edo hustu daitekeela, hots teknologia honen erabilera normala bapatekoa da gure ikuspuntutik).

Orain pare bat urte dela hasi zen mugikorretan hedatzen hau kudeatzeko hardwarea (HEMEN ikus dezakezu ia zureak badaukan. Eta ez baldin badauka, jakizu mugikorren SIM txartel batzuk badakartela, mugikorra aldatu beharrik gabe) eta gaur egun hainbat etiketa, pultsera edo llabero aurkitu daitezke teknologia hau inplementatzeko prestaturik. NFC teknologia mugikor bat beste batekin komunikatzeko ere erabili daiteke (argazkiak edo edozein informazio elkarbanatzeko adibidez).

Imaginatu, aurreko irudiko 10 etiketa erosi dituzula 8€-tan. Etiketa hauek, etxean, kotxean, lanean edo kalean itsatsi edo utzi ditzakezu. Eta bakoitza gauza ezberdinetarako programatu. Adibidez, kotxean sartzean, bluetooth bidez parrot-era konektatzea nahi baldin badugu (baina egunean zehar bluetooth-a itzalita edukitzea nahiago baldin badugu), etiketa hori lehenbizikoz programa dezakegu (mugikorrarekin berarekin) mugikorra etiketa gainetik pasatzean bluetooth-a aktibatu eta parrot-era konekta dadin. Eta irtetean berriz pasa eta bluetooth-a itzali dezan. Ez genuke mugikorra begiratzerik ere behar izango.

Baina etorkizunean, mugikor bidez ordaintzeko ere erabili daiteke (proba batzuk egin dira dagoeneko). Edo kalean egutegi bat deskargatzeko. Adibidez:

“Gaztetxeko hilabeteko kontzertu eta ekitaldi guztiak eta Txapa-ko programazioa plazako pareta batean itsatsita dagoen etiketa batera sartzen du arduradun batek eta bere pasahitzaz babesten du etiketa ikusi bai, baina inork ezabatu ez dezan. Ondoren, kaletik pasatzen den edonork bere mugikorra pasa eta gaztetxeko eta txapako egutegia segundu bat baino azkarrago eguneraturik izango luke mugikorrean.”

Ia zer gehiago datorkizuen burura.

Idazlaguna Bergan

Aspaldian batzuk begiko minak jota genden. Sarritxan burura eta ahora etortzen jatan kontu bat zan. Herriko leku askotan ogibitxarteko bat be eskatzeko castellano-z (bakarrik) zeren kartelen biharra zalantzan jartzen giñuan askok.

Udaletxeko bandon bat bixetara jartzia, ba bai. Edo jatetxe bateko menuan “frantsez-porru” eta holakotxiak ulertzen eztitxugunontzat castellano-z be “asparagus”-ak jartzia eskertu ohi dot.

Baina pasa dan zapatuan (hilak 7) Bergan aurkeztu zan “idazlaguna“-n ekimena benetan eraginkorra eta eraldatzailia izan leikenan iritzikua naiz.

Bergako gune komertzialetan euskarazko testuen erabilera zuzena eitxeko ekimena da hau eta bertan parte hartu leike hainbat profilekin. Irizpide gehixaurako: HEMEN.

Hangouts edo ezer ez

2005-aren dagonilleko 24-tik hona gurekin izan dan “Google Talk” otsaillan 16-tik aurrera bukatzen joango da. 9 urte honen ostean, “Hangouts”-era aldatzera behartuko gaituzte “Android” zein “Gmail”-eko erabiltzaileak. “SMS”-iak be bidaltzeko balio dau eta pertsona bakar edo askoko bideo deiak “skype” edo “facetime” beste ondo edo hobeto kudeatzen ditu “Hangouts”-ek (oso espazio gutxi eskatuz).

Informazio gehiago: HEMEN.

Eguneraketa:

@ibaidev ek diost tweet batean:
“Aipatzekoa ere, Google talk-etik Hangouts-era salto egitean, XMPP protokolo irekia alde batera uzten duela Google-k.”

Honen inguruan beste post bat egin liteke. Zer da XMPP protokolo irekia? “Extensible Messaging and Presence Protocol” deritzon hau, labur-labur esanda: testu bidez bezero ezberdinak erabiliz komunikatzeko balio duen protokolo ireki eta librea da. Honek dauzkan abantaila handienetako bat da edozeinek sortu dezakeela hau erabiltzeko nahi duen plataforma bat. Eta bakoitzak nahi duen moduan erabili. Pidgin delako txat bezeroarekin erabili izan dut nik, adibidez.

Raspberry Pi 2

Irten berri da Raspberry Pi-ren bertsio berria. Lehenengo ezagutu genuen 256MB RAM zeukan bertsio haretatik 1GB-ra igo da. Eta CPU-a be Quad-core bat da oiñ 800MHz-tara dabilena.

Lehenengo bertsiuakin arazo batzuk izan genitxuan, batez ere wordpress bat zerbitzatzen egoterakoan denbora luzez, itzali egiten zen bere kabuz. Beroa etab. horretaz aparte, abiadura eta gaitasuna bermatze aldera, prezio berdina mantenduz salto izugarria deritzot.
Ongietorri $π$ 2!

Gu ere, primate

Zer gertatuko litzaiguke, bihar gailu elektroniko bat ere ezin balitz gehiago erabili?
Batek pentsa dezake onerako zitekeela, beste gauza batzuei garrantzia eman, erlazio pertsonalak aberastu, …

Eta zer suposatuko liguke ohitu garen abiadura, berehalako komunikazio eta informaziorako sarbideen galerak? Gure mundua berriz ere murrizteko gai izango al ginateke? Jasango al genuke hegazkin bidaiak egiteari (ia) uztea?

Hegoafrikako babuino primatea, gizakiren batek jaten ematen dionean eta jan iturri bezala identifikatzen duenetik aurrera, guztiz oldarkorra bihurtzen da. Behin jan iturri hori identifikatu duenean, ez du ezerk geldituko eta aurkitzen dituen gizakiak eta beraien etxeak miatuko ditu jan bila. Diotenez, baso-zain eta arduradun hegoafrikarrei, gizaki batek behin babuino bat elikatu duenean, hau sakrifikatzea beste aukerarik ez zaie geratzen.

Zer gertatuko litzaiguke, bada, bihar gailu elektroniko bat ere ezin balitz gehiago erabili?

Gure herriko hormak

Neguko egun hotz eta illun batian, laino gris eta fin batek zoru dana estali zeban. Txorkatillak eta belaunen arteraino nekez ikusi zeikien besteik. Hasieran danak genden nahiko txunditxuta: gasen batek ihes eingo zeban? suteren bat egon da? Sendua zan laino haura, ta umiak bertan korrika eta jolasian ziharduen denpora danian.

Baina egun pare baten buruan auto istripuak ugaritxuz zijoiazen, izan be lurreko ez marra ez seinaleik ezin zan ikusi. Zebra-bidiak ze esanik pez. Kotxien erabiltzia galarazi zan lainuak bertan jarraitxu bitxartian. Baina ikasixaz laino haura iñora etzijoiala, bizilagunak urduritxasun askokin udalai erantzunkizuna eskatzen hasi zien.

Udaletxetik brigadatxua bialdu zan. Egunerokotasunian erabiltzen zitxuen herramintxekin saiatu zien: kaliak garbitzeko kotxiakin bidia zabaldu eta ura bota zeben. Baina ura azpixan geratzen zan. Gero hostuak batzeko haizia botatzen daben makiñiakin saiatu zien, eta hasieran itxura ona zeukan arren, segitxuan bueltau zan lainua bere lekura. Hola ba, aspiradora haundi bat erosi zeban udalak, baina kentzen zeban lainuak lagatako garbitxasuna belaxe betetzen zeban laino gehixauk.

Hillabetiak igaro zien, eta euzkixak zoruik ikutzen etzebanez, hortutan etzan ezer hazten. Eta inok etzeban herriko zuhaitzetan hasitxako frutaik jateik nahi, badaezpada. Laster, asko eta asko herritxik alde eitxen hasi zan eta geratu giñenetako gehixenak maskarak erabiltzen hasi giñan. Bazeguan arrantzaliek erabiltzen ditxuen gerrirainoko praka-katiuska horrek janzten zitxuanik pe.

Herriko airian kutsadura maillian neurketak ein zien. Baina aurreko urtetatik etzan ezberdintxazunik nabari. Larritxasuna hain zan haundixa, munduko leku danetatik ikertzailliak ekarri zitxuela herrira, bertakuak be kanpuan zeren eta, soldata eta tratu duiñau baten billa juanda.

Ikertzailliek ikertu zeben, eta azkenian argixa zala kontua ebatzi zeben. Teilatuetatik gora eta zerutik behera, hor nunbaitx euzki izpixak bihar bezela sartziai laga ei zotzen, poluziñua zala ta. Argitxasun berri horrek beti gurekin egona zan zikinkerixa hori ikusteko gai eitxen gintxuan. Lainua etzan bapatian agertu, gurekin egona zan eta oiñ argi ta zikiñ ikusten giñuan.

Laster, beste herri askotan be agertuz juan zan.

Oiñ, kristalezko horma haundi-haundi-haundi batzuk dauzka gure herrixak. Fabrikak, hormatatik kanpora dare, eta etxiak berriz, barruan. Hormatatik kanpora lainua dago eta horren da laino zikiñ eta altua, euzkixa gure herrixan gainetik pasatzen danian bakarrik ikusten dogula, goizeko 11:00 aldian “Gorlarako horma”-tik urtetzen da, eta atzaldeko 16:00 aldera “Elgetarako horma”-tik sartzen da.

Batzutan, lainotara be urtetzen dogu pixkatian. Hori bai, sekula ez ahaztu maskaria etxian!

[ fon nek ti ‘ka t ]

Fonetikoki nola idatziko litzakeen ikusteko web honen aurkezpena da hau (http://www.aucel.com/pln/transbase.html). Espainierazko hitzak eraldatzen ditu. Adibide gisa:

http://www.aucel.com/pln/transbase.html

Euskaraz fonetikaren inguruan jarduten duten lekuak badaude, adibidez: http://www.fonatari.org/ eta bertan aurki dezakegun: http://www.fonatari.org/paginas/eusk/hotsak/hotsak.html.

The Pirate Bay bueltan?

@lasindias ekoek hel-arazi berri duten artikulo honetan thepiratebay.se zerbitzari izugarri famatuaren inguruan irakurri dut. Abenduan bertatik bertara ikusi genuen zela itzali zuten zerbitzaria eta denbora kontadore bat ikus genezakeen web-ean.

Ba, dirudienez, 8 egunetan iritsiko da (orain) beherantz dijoan kontadore honetako bukaerako momentua.

thepiratebay.se

Ia zer gertatzen dan.

HoloLens

Google-ren glassen inguruan gero eta gutxiago entzuten hasi naizen honetan, microsoft-en apostu berria ikusten dut.

Ez da baina hasiera batetan gauza bera. Ez du ematen kalean erabiltzeko asmoarekin sortutako aparatua.

Ia zela hazten den kontua.

Robolinux

Twitterren ikusi dut herriko linux erabiltzaileen bitartez, makina birtualen bidez windows-en irudiak linux bitartez ordenagailu zahar (eta berrietan) erabiltzeko prestaturiko distribuzioa.

Segurtasuna, egonkortasuna etab. bermatzen duelarik.

http://robolinux.org/

Oso distribuzio interesgarria.